CRUCEIRO DE SAN XIÁN DE COIRO, A LARACHA

 

Cruceiro está construído en granito, cunha plataforma cuadrangular de tres chanzos sobre a que aséntase un pedestal cúbico rematado con bocel e media cana. Do pedestal arrinca un fuste octagonal que comeza e remata en cadrados con adornos xeométricos e recibe un capitel cuadrangular moldurado.

Enriba atópase unha cruz de sección octagonal e remates florenzados.

O cruceiro complétase cun posadoiro asentado sobre os chanzos da plataforma.

Lamentablemente, aínda que o lugar onde asentase este, chámese O Cruceiro, ben podería denominarse “Postes da Luz”, pois como vese nas fotos, está completamente rodeado deles.

Como curiosidade, sinalarque durante a etapa constitucional dos primeiros anos do século XIX, cando se constitúen os primeiros concellos, Coiro foi a capital municipal e deu nome ao que hoxe coñecemos como CONCELLO DA LARACHA, daquela integrado no Partido Xudicial de Sísamo. 

Foi en 1836, no reparto definitivo, cando a capital municipal foi trasladada á Laracha, ao ser este un núcleo situado xunto ao Camiño Real de PONTE LUBIÁNS.

Na visita a parroquia destacar tamén a igrexa de San Xián de Coiro e o MIRADOIRO DE SANTA MARTA, que tamén pertence ás parroquias de Soandres e Soutullo.

INFORMACIÓN RECOLLIDA DAS SEGUINTES LIGAZÓNS

http://www.planeamentourbanistico.xunta.es/siotuga/documentos/urbanismo/LARACHA/documents/0199CA003.PDF  (página 3).

https://www.alaracha.gal/turismo/gl/list/47/coiro/

VISITA OUTROS SORPRENDENTES LUGARES DO CONCELLO DA LARACHA NESTA LIGAZÓN, CUN MAPA PARA CHEGAR A CADA UN DELES.