CRUCEIRO DE ARRIBA, A LARACHA

 

Este Cruceiro levántase moi preto da igrexa parroquia de Santiago de Vilaño, en cuxa sancristía se atopa o miliario, que o historiador José Manuel Caamaño data no século IV, concretamente entre os anos 351 e 353. A peza presenta unha forma cilíndrica e mide 146 centímetros. Posúe unha inscrición, con letras de entre 5 e 7 centímetros, na que se pode ler unha mensaxe incompleta en latín, que podería dicir “bono rei publicae natus. Magno Decentio nobilissimo et florentissimo caesari”. Nesta inscrición hónrase o césar Decencio, irmán do emperador Magnencio, circunstancia estraña xa que habitualmente estaban dedicados ao emperador.

O Cruceiro está construído en granito e formigón, cunha plataforma cuadrangular de tres chanzos, sobre a que se asenta un pedestal cúbico rematado en chafrán. O fuste, de sección octogonal, recibe un capitel moldurado con equino e abaco. 

Enriba, atópase unha cruz de sección rectangular recrucetada. 

Complétase cun posadoiro asentado sobre os chanzos do plataforma.

Xunto o cruceiro vemos tamén, un panel informativo con todos os recursos que podemos atopar na parroquia de Vilaño.

Coordenadas: 43°14'24.1"N 8°35'54.1"W

TODA A INFORMACIÓN INCLUIDA NA PUBLICACIÓN, FOI RECOLLIDA DAS SEGUINTES LIGAZÓNS:

http://www.planeamentourbanistico.xunta.es/siotuga/documentos/urbanismo/LARACHA/documents/0199CA003.PDF  (páxina 23).

https://www.turismo.gal/recurso/-/detalle/170825000376/igrexa-parroquial-de-santiago-de-vilano?langId=gl_ES&ctre=31&tp=8

VISITA OUTROS SORPRENDENTES LUGARES DO CONCELLO DA LARACHA NESTA LIGAZÓN, CUN MAPA PARA CHEGAR A CADA UN DELES.