MUIÑO DA CALEXA, A BAÑA

 

Na parroquia de San Pedro de Fiopáns, atopamos este muiño na orilla do río Portalaxe, afluente do Tambre, e no moi lonxe da fermosa ÁREA RECREATIVA DE FIOPÁNS, da que xa vos falamos noutra publicación.

Foi rehabilitado recentemente, no que se investiron 15.600 euros de fondos do concello, para substituir a madeira do interior, poñer un novo tellado, encintar a parade exterior para garantir a conservation deste muiho, no que a vecinanza continua moendo coma hai anos. É o único en funcionamento no municipio.

A restauración do Muiño da Calexa xa se intentara hai anos por parte do Concello, cando a Deputación da Coruña sacara o plan de arquitectura popular. Agora, a veciñanza asinou a cesión necesaria para que o Concello puidese acometer as obras, pero mantendo titularidade do inmoble. A cambio desta rehabilitación a veciñanza comprometeuse a permitir a visita dos escolares do municipio, para que poidan coñecer o funcionamento do muiño e, o oficio de muiñeiro.

Sinalar, que por aquí pasa o roteiro da RIBEIRA DO TAMBRE que dende a área recreativa antes mencionada, nos leva ata a ponte de Portochán.

TODA A INFORMACIÓN INCLUÍDA NESTA PUBLICACIÓN FOI RECOLLIDA DA SEGUINTE LIGAZÓN:

https://issuu.com/concellodabana/docs/revista_ba_a_inverno_2018

VISITA OUTROS SORPRENDENTES LUGARES DO CONCELLO DA BAÑA NA LIGAZÓN, CUN MAPA PARA CHEGAR A CADA UN DELES.