GALICIA PUEBLO A PUEBLO: SAN MARTIÑO DE ORTO, ABEGONDO

Igrexa de estilo predominantemente neoclásico. Tense constancia dela dende 1617, pero a súa última reforma foi de 1870. A fachada principal, de gran sobriedade, remátase cun frontón triangular que serve de base para unha espadaña de dous corpos, onde vemos a imaxe do santo.

A igrexa conta cunha parcela na que se desenvolve o cemiterio e o adro. Nela atópanse superficies axardinadas con especies arbóreas autóctonas e de gran porte, enterramentos históricos dispersos polo camposanto, e unha PÍA BAUTISMAL histórica en desuso feita en cantería.

Ten base cuadrangular que enlaza co fuste mediante chafrán. O fuste e corto e cilindrico e a copa ten un laborioso trabado de labra con molduras en forma de arco na parte baíxa do corpo cónico e remate nun cimacio ao longo do seu borde na parte do corpo cilindrica.

No seu ámbito de protección atópase un CRUCEIRO: "de Crucifixo", Erguido sobre unha plataforma de dous chanzos, e pedestal cúbico. Fuste (vara/varal) de sección cadrada coas arestas rebaixadas (chafrán). Capitel cuadrangular, con molduras e catro caras nas esquinas e cruz de sección cadrada con chafráns nos brazos e remates florenzados con botóns.