CRUCEIRO EN FRIEIRA, VILA DE CRUCES

O Concello de Vila de Cruces conserva un importante fondo artístico e monumental, diseminado por vilas e aldeas ou gardado en Museos de Galicia. Este patrimonio esta aparellado principalmente a construccions relixiosas (igrexias, mosteiros, capelas e cruceiros), que se erixiron en diversas épocas.

En Frieira, lugar da parroquia de Camanzo e onde é de obrigada visita o seu MOSTEIRO DE SAN SALVADOR, podemos ver unha desas mostras patrimoniais.

Trátase dun CRUCEIRO relativamente moderno. A estrutura está protexida por un peche metálico bastante alto, asentado sobre o inferior dos tres chanzos que compoñen a súa plataforma, sobre a que se alza o pedestal moldurado e carente de decoración.

O fuste é de sección cuadrangular nos extremos e coas arestas rebaixadas no centro, onde se mostra unha imaxe sobre unha peana. 

Na parte superior do varal esculpironse unha cuncha de vieira e a cruz de Santiago, así como os símbolos da paixón (martelo e tenaces).

O capitel presenta forma troncopiramidal invertida, con diferentes caras de anxos alados no centro e volutas nas esquinas. A cruz é de seccione cuadrangular e arestas en chaflán, excepto nas esquinas. No anverso mostra a figura de Cristo crucificado con tres cravos, a cabeza lixeiramente inclinada cara á fronte e o pano de pureza anudado á dereita. Sobre el, a cartela sen inscrición.

Ao reverso obsérvase a imaxe dunha dignidade episcopal, pois se acha tocado coa mitra. Coa man dereita suxeita un libro aberto e na esquerda un báculo.

VISITA OUTROS SORPRENDENTES LUGARES DO MUNICIPIO DE VILA DE CRUCES NESTA LIGAZÓN, CUN MAPA PARA CHEGAR A CADA UN DELES.