GALICIA PUEBLO A PUEBLO: PONTE NOVA E MUIÑO DA PONTEVELLA, FRADES

A toponímia do lugar de Ponte Carreira e A Ponte Vella, xa advírtenos da existencia de infraestruturas que servían aos seus habitantes para salvar os cursos fluviais aquí existentes.

Así fálase da presencia alí, dunha PONTE ROMANA sobre o río Tambre, aínda que nós só albiscamos a presenza da chamada PONTE NOVA, no límite municipal co veciño concello de O Pino, pero que si falanos dun máis antigo. É unha ponte de estilo neoclásico, calzada horizontal, con tres ollos de arco escarzano sobre piares moi altos, aos que se acaroan tallamares curvos. Ten peitonil moldurado e refuxios nos testeiros da ponte. Todo fabricado en cantería.

Xusto por baixo da ponte, desemboca no río Tambre un pequeno regato chamado Rego do Porto, que foi aproveitado para a construción dalgún muíño, como o reconstruido que vese na contorna e chamado MUÍÑO DÁ PONTEVELLA.

Está construido a partir de muros de cachotería encintada, agás os marcos de portas e xanelas, que son de cantería. A cuberta é a dúas augas con remate de tella camba e o seu estado de conservación e bo.

Preto del vemos unha pequeniña PONTE, ...

...e a continuación e xa casi onde o rego entrega as súas augas ao tambre, un LAVADOIRO ao que engadiuselle unha cubrición pouco atractiva e acertada, para o meu gusto.

Podemos gozar deste fermoso rincón, seguindo o ROTEIRO DE SENDEIRISMO que, desde a ÁREA RECREATIVA DE OS PASOS, percorre durante 12 Km a ribeira do río Tambre, ata a ÁREA RECREATIVA DE A PRESA, unindo estes dous magníficos espazos naturais cargados de extraordinaria beleza.