FERVENZA DO XESTOSA, MURAS - OUROL

Aínda que esta non sexa a FERVENZA máis alta de Galicia, destaca pola súa beleza e polo fermoso lugar no que se atopa.

Chegar ata este feiticeiro paraíso natural é moi sinxelo, só hai que seguir a estrada LU-540 que une as localidades de XERMADE, situada na comarca da Terra Chá, coa VILA DE VIVEIRO, situada na franxa costeira da Mariña Occidental. No pronunciado descenso do porto da Gañidoira e tras salvar o río Xestosa, aparécesenos o indicador de Concello de Ourol e do Km 20. Uns poucos metros máis adiante, á dereita, atópase o letreiro que nos anuncia o enclave. Xa no tramo da vella estrada, e collendo á esquerda, veremos o indicador da baixada á fervenza.

Desde ese punto sae un atractivo carreiro que, baixando por entre os piñeiros, nos leva ao pé da caída.

O Río da Xestosa ou de Xanceda cando abandona o concello de Muras e adéntrase no de Ourol, ten que atravesar unha zona de rochas resistentes que o obrigan a dar varias voltas e a botarse por distintos desniveis.

O máis grande é este de 20 m, no que forma esta fermosa fervenza, pouco antes de xuntarse co Landro.

O río Landro nace entre o cume do Xistral e o Coto Balsego, onde recolle augas das turbeiras, brañas ou tremoais (como lle chaman na zona a este hábitat prioritario que na actualidade, dentro da Península Ibérica, atópase restrinxido a esta serra) da serra do Xistral. Moitos dos seus 16 afluentes baixan por vales encaixados formando pozas e saltos.

INFORMACIÓN RECOLLIDA DAS SEGUINTES LIGAZÓNS

http://www.adelaleiro.com/v/Cat%C3%A1logo-de-descargas/Rutas/R%C3%ADos-Humidais/Adela/Ruta--fervenza-no-r%C3%ADo-Xestosa--Ourol-e-Muras-/352.aspx

http://www.adelaleiro.com/gestion/catalogo/docs/ruta-Xestosa-Landro.pdf

http://terrasdomino.deputacionlugo.org/docs/descubre/fichas/2A-analisis_valoracion_serra_xistral.pdf

VISITA OUTROS SORPRENDENTES LUGARES DO CONCELLO DE OUROL NESTA LIGAZÓN, CUN MAPA PARA CHEGAR A CADA UN DELES.