MOLINOS DE VIENTO, CATOIRA

Catoira é xunto ORTIGUEIRA, o único municipio de Galicia que posúe exemplos dos tres tipos de muíños tradicionais: de río, de marea e de vento. Dentro destes últimos, son os únicos en Europa con cuberta fixa bidireccional e dobre sistema de aspas, que lle permite aproveitar a forza do vento independentemente da súa dirección.


En Tras da Veiga, no Monte das Pedras Miúdas, que sobrepasa os 100 m de altura, atópase un conxunto de cinco muíños de vento que comparten as mesmas características: (LORENZO; RIVEIRO; CATOIRA; MOURE; e CASAL). Tres deles reconstruidos e dos outros dous só quedan os cimentos.


 Son construccións de pedra en forma de torre cilíndrica cunha cuberta lixeiramente cónica sobre unha armazón de madeira. Os elementos que permiten o seu funcionamento son: Trabe: é de madeira e está situada na parte superior do edificio que o atravesa e sobresae polos dous lados. Aspas: son unha armazón de madeira que se colocan en cada extremo da trabe. Abanos: fíxanse sobre a armazón das aspas. Son tamén de madeira, e recollen o vento para pór en funcionamento o muíño. Este movemento transmítese, a través da trabe, ás engranaxes. Engrenaxes: están na parte inferior e recollen o movemento dos abanos transmitíndollo ó eixe. Eixe: fai funciona-los mecanismos de trituración igual que nos demais muíños.







O muiño de RIVEIRO foi o último en deixar de traballar, na década de 1940,...



... mentres o de CATOIRA é un dos máis antigos do grupo.


Ademais do seu elevado valor etnográfico, habería que destacar o seu emprazamento nunha paisaxe de inigualable beleza, ao redor da desembocadura do río Ulla na Ría de Arousa...





... e das próximas TORRES DO OESTE.







Moi preto atópase a LAGOA DE PEDRAS MIUDAS, formada de maneira natural nunha vella canteira.


Levouse a cabo un plan de recuperación dos mesmos coa restauración da maioría dos muíños de vento existentes, e o trazado de rutas de sendeirismo, pero os incendios dos últimos anos danaron algunhas estruturas.



Coordenadas: 42°39'36.4"N 8°43'37.0"W

Non moi lonxe podemos visitar, localizados no Monte Mesón, na parroquia de San Mamede de Abalo, outros tres muiños de vento das mesmas características que os anteriores: 
O MUÍÑO DO MONTE MESÓN, debeu ser construído arredor do ano 1860, sendo dos máis antigos da parroquia, estivo moendo esporadicamente para a casa do último dono ata 1970. O MUÍÑO DE MIGUEZ pertenceu a D. Joaquín Miguez, na porta están gravadas as iniciais "J M" xunto con dúas cruces. E por último O MUÍÑO DE LOUREIRO, seu primeiro propietario foi J. Loureiro cuxas iniciais "J L" están labradas nas pedras da porta. Máis tarde foi herdado por Domingo Loureiro.



Coordenadas: 42°38'47.4"N 8°43'44.7"W

INFORMACIÓN RECOLLIDA NAS SEGUINTES LIGAZÓNS


VISITA OUTROS SORPRENDENTES LUGARES DO MUNICIPIO DE CATOIRA NESTA LIGAZÓN, CUN MAPA PARA CHEGAR A CADA UN DELES.

2 comentarios:

  1. Magnifico. Este fin de semana atopei os restos de un en Cotobade, Pontevedra. Alto da cruz do Castro. Saudos.

    ResponderEliminar
  2. Moitas grazas polo comentario e polo apuntamento sobre o muíño de Cotobade. Saudos!

    ResponderEliminar