MUIÑO DA MERA, VILASANTAR

A espectacular Ruta de Sendeirismo PR- G 195 RUTA DOS MUIÑOS DE VILASANTAR, permítenos gozar dun dos máis belos e serenas paisaxes de Galicia no río dás Gándaras, un enclave dun gran valor etnográfico e natural, xa que son moitos os enxeños hidráulicos que se atopan ao seu paso.

Moi preto do xa comentado MUIÑO DO CREGO,...

... atópamos este outro elemento etnográfico medio oculto entre a vexetación.

Ao aproximarnos o MUIÑO DA MERA, descubrimos un pequeno edificio independente dun só rodezno, outrora dedicado soamente ao proceso da moenda. Ten pranta rectangular, sen máis ocos que a porta de acceso na fachada principal, onde tamén se observa unha pedra saínte para poder pousar os sacos de gran, o chamado pousadoiro.

A canle polo que se alimentaba, agora está completamente tupida pola vexetación.

Outrora, os maiores difusores da utilización dos muíños, como ocorreu en xeral coa agricultura e a pesca, foron as ordes relixiosas, e aquí, a presenza da magnífica e ben conservada IGREXA DE SANTA MARÍA DE MEZONZO coa súa perfecta cabeceira románica e único elemento que queda do mosteiro dúplice fundado a mediados do século IX onde profesou aos vinte e dous anos San Pedro de Mezonzo, xustificaría a presenza destes enxeños. 

A ruta permítenos desfrutar do aire puro e da natureza e una paisaxe fermosa, coa súa vexetación característica das ribeiras, como son os bidueiros e ameneiros. Unha proposta turística para o desfrute de todo o mundo, tanto pequenos coma maiores.

A ó longo dos 6 quilómetros que ten de percorrido a ruta, pódense visitar un total de 22 muíños hidráulicos en diferentes estados de conservación, ademais dun serradoiro, e o CONXUNTO ETNOGRÁFICO DO BATÁN, elemento único na comarca e un dos tres mellores batanes rehabilitados e en funcionamento que se conservan en Galicia,...

... emprazado nunha marabillosa contorna natural, cun fermoso SALTO DE AUGA que se forma no río das Gándaras.

INFORMACIÓN RECOLLIDA DAS SEGUINTES LIGAZÓNS

http://vilasantar.gal/ruta-dos-muinos/

VISITA OUTROS SORPRENDENTES LUGARES DO CONCELLO DE VILASANTAR NESTA LIGAZÓN, CUN MAPA PARA CHEGAR A CADA UN DELES.