GALICIA PUEBLO A PUEBLO: SAN MARTIÑO DE NEIRA DE REI, BARALLA

San Martiño de Neira de Rei é unha parroquia que se localiza no lugar de Os Mazos,pertencente o concello de Baralla e a Comarca dos Ancares Lucenses , onde tamén se atopa a vella PONTE DOS MAZOS, da que xa vos falamos noutra entrada do blogue.

A sua igrexa parroquial mostra unha fermosa e robusta torre sobre catro arcadas de medio punto, que serve de acceso ó edificio, e ten no carpa superior oito ocos, dous en cada lateral e arco de laxas de lousa.

Nunha das súas paredes vemos unha inscrición co cristograma acompañado dunha cruz, de lográmola ler o seguinte texto: “Esta obra se hizo siendo cura el …..D. …… Santiso año de ….”

O retablo maior é neoclásico, con decoración de rocaias, e foi dourado e policromado en 1781. Posúe as imaxes do titular, San Martiño bispo, San Brais e San Pedro Papa, todas elas do XVIII.

Cóntase, que na croa do castro de Carballedo hai unha "porta" que é a entrada a unha longa cova que dá á igrexa de San Martiño de Neira de Rei, e era utilizada polos mouros para ir á misa. Na mesma páxina ondea topamos esta información, fálase dun cura moi peculiar e tamén doutras covas. Os máis lonxevos lémbran, que as historias, mitos e lendas que as envolven son interminables: refuxio de guerra, gorida de bruxas e outros personaxes máxicos ou agocho de tesouros, son algunhas das utilidades que se lles foron atribuíndo ao longo dos anos.