GALICIA PUEBLO A PUEBLO: ARCA DO RABÓS, VIMIANZO

A Arca do Rabós atópase oculta no medio dos eucaliptos, a escasos 100 metros da estrada, onde situaron a sua sinalización e un panel informativo, que explicanos as súas características

É un monumento megalítico de grandes dimensións no que se conserva parte do túmulo de terra de aproximadamente 20m de diámetro e 1,5m de altura. O túmulo está parcialmente destruído na zona norte, xusto no límite coa parcela veciña e isto permitiu comprobar a existencia dunha coiraza de pedras que orixinalmente cubría a mámoa.

No centro do túmulo obsérvase unha violación que deixa ao descuberto os restos dunha anta con cámara poligonal e corredor orientado ao sueste.

http://vimianzo.mobi/assets/media/11659/tablet/11659.jpg?1490628536

O dolmen aparece bastante alterado pero conserva polo menos 3 laxes do corredor, 2 da cámara e a tampa de cubrición da cámara parcialmente rota.

Na rotura da tampa aprécianse marcas de cuñas, que nos falan da existencia de antigos traballos de cantaría para a extracción de pedra.

Algúns autores tamén falan da posibilidade de existencia de gravados nunha das laxes do corredor, aínda que resulta complicado confirmar esta afirmación.

Se volvemos á pista, podemos ver na finca de enfronte, outra das mámoas que compoñen a necrópolis dividida cun valado de pedra.

Quizais o máis salientable sexa o feito de que este monumento megalítico forma parte dunha extensa necrópole megalítica que vai de leste a oeste pola parroquia de Baíñas, seguindo posiblemente unha vella vía natural de paso. Os monumentos megalíticos colocábanse en lugares visibles coa intención de marcar territorio, modificando así a paisaxe dos seus antepasados. Cóntanse unha vintena de mámoas no Chan do Cabral e O Rabós. Varias teñen desaparecido ou foron estragadas pola construción de estradas e os traballos agrícolas. No concello de Vimianzo coñécense tamén outras necrópoles importantes como a do Mosquetín, Encoro da Fervenza, Caxadas ou Carantoña.

http://vimianzo.mobi/assets/media/11682/tablet/11682.jpg?1490628539

Poderás visitalo seguindo a RUTA DOS DOLMENS DE VIMIANZO, un percorrido circular que conecta nove exemplos de contrastadas características, de modo que en cada parada poderás sorprenderte, observar ou reflexionar cos teus acompañantes, sobre unha sociedade prehistórica que deixou neste territorio a pegada da súa cultura. Dolmens sinalizados no percorrido:

1- PEDRA CUBERTA,

2- PEDRA MOURA,

3 – PEDRA LEBRE,

4 – Arca da Piosa,
5- PEDRA DA ARCA,

6- ARCA DE RABÓS,

7- CASOTA DE FREÁNS,

8- ARQUIÑA DE VILASECO.

9- MINA DE RECESINDES.

Fuera de este recorrido, también podemos visitar la MINA DE FOLÍAS.

Folleto da ruta.

Sinalar, que este xacemento formará parte dos catorce que se reunirán dentro do futuro PARQUE ARQUEOLÓXICO DO MEGALITISMO, do que leva esperando a Costa da Morte dende o 2001, e que esténdense ao longo de oito concellos: Pedra Moura de Aldemunde (Carballo);
CASA DOS MOUROS (entre Dumbría y Vimianzo);

A FORNELLA DOS MOUROS (Laxe);

PEDRA DA ARCA (Malpica); Mina da Parxubeira (Mazaricos); PEDRA MOURA de Monte Carnio, PEDRA CUBERTA, CASOTA DE BERDOIAS, Arquiña de Vilaseco, PEDRA DA LEBRE OU DE SERRAMO, MINA DE RECESINDES y Rabós (Vimianzo); y PEDRA VIXÍA y Arca da Piosa (Zas).

O DOLMEN DE DOMBATE, situado en Cabana de Bergantiños e considerado por algúns como "A CATEDRAL DO MEGALÍTICO GALEGO", queda excluído do ámbito deste proxecto porque conta co seu propio plan director.