MUIÑO DA RUXIDA, GUITIRIZ

As augas en Guitiriz son un auténtico tesouro.

Mananciais e ríos dan lugar a paraísos naturais encadrados na reserva da biosfera "Terras do Miño" é Lugar de Interese Comunitario.

E as fontes, como as de VALDOVÍN, PARDIÑAS ou a de SAN XOÁN DE  LAGOSTELLE coas súas propiedades curativas e, ao dicir de moitos, milagrosas, xeraron un apoxeo turístico termal xa dende principios do XVIII.

Fonte de Valdovín

Este máxico recuncho do MUIÑO DA RUXIDA, localízase nas proximidades do lugar de Ferreira, ao pé do rego que lle concede o nome, e entre un bosque de canteiras que danan o camiño e a paisaxe que o rodea.

Próximo ao antigo camiño que usaban os veciños de Negradas, Mariz, As Cruces ou  SOBRADO DOS MONXES para acudir á feira de Parga,...

 ...e do “XACEMENTO DE PENA XIBOI” ...

...dende o cal xa escoitamos a “ruxido” da auga ao precipitarse pola cativadora FERVENZA natural.

É un fermosísimo ricón con bosque de ribeira, onde móstrasenos esta atractiva fervenza, cunha caída duns 10 metros.

Este muíño foi construído nos anos corenta por iniciativa de cinco casas de Ferreira, (Rebolo, Matías, Borregón, Zarabeto e Pepe do Calapris), quen durante os máis de 30 anos que estivo operativo, moeron o trigo e o centeo que se cultivaba na zona. Equipándose con dúas pedras, una grúa de madeira e un rodicio feito do mesmo material.

Hoxe atópase restaurado, acondicionando na zona unha ÁREA RECREATIVA ben equipada, onde fíxose tamén, unha fonte e unha ponte de madeira que permitenos unha visión privilexiada da fervenza.

Na zona da presa, moles rochosas características da Terra Chá, potencian, máis si cabe, o atractivo visual do lugar.

Nas inmediacións atópase A FONTE  DO  FERIDO, un manancial ao que se lle atribúen  propiedades milagrosas. Segundo conta a lenda, un ferido de guerra que camiñaba pola vía romana que por alí cruzaba, viu como as súas feridas desaparecían tras lavarse varios días coas súas augas.

Coordenadas GPS: 43º8'3''N 7º52'27''W

VISITA OTROS SORPRENDENTES LUGARES DEL MUNICIPIO DE GUITIRIZ EN ESTE ENLACE, CON UN MAPA PARA LLEGAR A CADA UNO DE ELLOS.